Larunbatean gaixo dauden presoen eskubideen alde Donostian egingo den manifestazioa babestu du Etxerat-ek. Elkarteak gogorarazi du larri dauden 11 presoen egoera "oso larria" dela, eta egunez egun "okerrera" egiten duela.
"Eskubide urraketa etengabekoa da, baina, larriki gaixo dauden presoekin egiten ari direna basatia, krudela, da".
Etxerat-ek uste du kalean beharko luketeela, euren egoera dela eta. Horrela, beharrezkoak dituzten tratamenduak hartu ahal izango lituzkete, elkartearen arabera.
Preso gaixoak kalera lelopean, Bulebarretik aterako da martxa, abuztuaren 9an, 17:00etan. Hainbat plataformak egin dute deialdia; EH Bilduk bat egin du horrekin.
