GALIZIAN HILDAKOETAKO BAT, BILBOKOA

Bilbotarra da Galiziako hegazkin istripuan bi hildakoetako bat: Daniel Fernandez (35 urte). Herrialde Katalanetan bizi zen, eta hegazkinaren pilotua zen. Santiagon (Galizia) jazo zen istripua, atzo. Asturiastik (Espainia) zetorren hegazkina, hara transplanteak egiteko organoak eramatetik. Santiagoko Lavacolla aireportutik bi kilometrora izan zen ezbeharra; zuhaitz batzuen aurka egin zuen talka hegazkinak. Hegazkinean zihoan beste bidaiaria ere bertan hil zen.