Galiziera-euskara lehen hiztegia

Vigoko Unibertsitateak (Galizia) galiziera-euskara eta euskara-galiziera hiztegia aurkeztu du gaur. Era horretako historiako aurreneko hiztegia da, eta bost mila hitz baino gehiago dauzka. Isaac Fernandez galiziar euskara irakaslea izan da egilea. Esaldiak eta esaera zaharrak ere badakartza hiztegiak.

"Galiziarrok eta euskaldunak elkar hobeto ulertzeko balioko du lanak, eta filtrorik gabeko itzulpenik ez izateko", adierazi du Fernandezek.

Xose Henrique Costa errektoreordearen arabera, gaurkoa "egun zoriontsua" da Vigoko Unibertsitatearentzat. Hizkuntza orok hiztegi hori bezalako labanesak behar dituela azpimarratu du Costak. Honek esan duenez, euskara oso hizkuntza berezia izan arren "erromanikoa" da, eta galizieraren eta bien artean bada antzekotasunik hitz batzuetan.

Fernandezek nabarmendu du euskarak gero eta hiztun gehiago dauzkala -gizartearen lanari esker- eta galiziera gero eta egoera okerragoan dagoela gizartean.

Anxo Angueira eta Harkaitz Cano idazleek egin dituzte hiztegiko hitzaurreak.