Gasteizen adingabe batek salatutako talde bortxaketa gaitzetsi dute

GASTEIZ. Gasteizko mugimendu feministak deituta, elkarretaratzea egin zuten atzo Andre Maria Zuriaren plazan, neska adingabe batek salatutako talde bortxaketa gaitzesteko. Joan den asteburuan Eusko Jaurlaritzaren Segurtasun Sailak jakinarazi zuenez, adingabeak berak sexu erasoa salatu ondotik, Adingabeen Fiskaltza ikertzen ari da abuztuaren hasieratik. El Correo egunkariaren arabera, zazpi mutil adingabe daude erasoarekin lotuta, eta haietako bost ari dira ikertzen.