Sanferminetan normaltasunik bada, gaur berreskuratu du festak. Asteburu jendetsua izan da aurtengoa ere, eta larunbatean zuritasuna zena, zikinkeria zen atzo, bai erdiguneko aparkalekuetan baita autobus geltokian ere. Gaur astelehena izanik, iruindarrek berreskuratuko dute protagonismoa. Aitor-amonen Eguna da gaurkoa, eta ostiralean haurrek egin zuten moduan, gaur festazale beteranoei bereziki zuzenduriko hainbat ekitaldi izango dira.
11:00etan aiton-amonendako meza izango da San Fermin kaperan. Ordubete geroago Yoar eta Jus la Rocha errondailen kontzertu berezia izango dute nagusiek, eurentzat zuzendua.
