Isun ekonomikoa jarri diete Avitrans Gipuzkoako autobus zerbitzuen enpresen elkarteari eta 18 autobus enpresei. Milioi bat euroren isunak dira denetara.
Abenduaren 27an hartutako erabakiaren ebazpena gaur jakinarazi dute. Han dio 1988tik 2015era bitartean egin zutela kartela; herritarrek garestiago jaso zutela zerbitzua, eta merkatuko ateak itxi zizkietela beste enpresa batzuei. Jakina zen ikerketa egiten ari zirela, eta orain diote susmoak egia direla frogatu dela.
Honako hauek dira Lehiaren Euskal Agentziak jarritako isunak: Avitrans (20.000 euro), Aizpurua (127.332,55 euro), Alustiza Bidaiak (23.902,85 euro), Arteondo autobusak (20.062,80), Autobuses Urbanos Irun Fuenterrabia (75.846,37), Garayar (47.940,27 euros), Escudero Hermanos (5.446,74), Autocares Iparraguirre (49.281,51), Bengoetxea autobusak (19.396,93), Díez (44.941,56), Goierri Bus (41.435,77), Goierrialdea (53.394,95), Gure Bus (20.472,54), Apaolaza (14.469,24), Pesa (277.800), Tolosaldea bus (77.071,59), Unitravel (3.125,79) eta Urpa (9.572,99).
