Gizon bat atxilotu dute Gernika-Lumon eraso bat egotzita

43 urteko gizon bat atxilotu zuten igandean Gernika-Lumon (Bizkaia), neska lagunari eta beste bi pertsonari eraso egitea egotzita. Goizaldean gertatu zen, 01:40 aldera. Erasotzailea bere neska lagunarekin eztabaidan ari zen, eta, lekukoen arabera, bi ostikada jo zizkion. Emakumea laguntzera joandako beste bi gizoni ere eraso egin zien: labana batekin zauritu zuen bat, eta bestea ahoan jo zuen. Ospitalera eraman behar izan zituzten biak. Erasotzaileak ihes egin zuen. Atxilotua espetxera bidali dute, deklaratu ondoren.