Baionako auzitegiak 44 urteko gizon bat epaitu zuen atzo, irudi eta bideo pedopornografikoak edukitzeagatik. Prokuradorearen arabera, oso bideo bortitzak ziren, niniekin eta haur oso gazteekin. Bost urtez derrigorrezko artak egitera kondenatu du epaileak gizona.
Iragan urteko abenduan atxilotu zuten gizona, pedopornografiaren kontrako operazio handi batean. Frantziako Poliziak laurogei gizon atxilotu zituen egun horretan Frantzian.