Istripu larria gertatu da gaur goizean Bokaleko (Lapurdi) tren geltokian. France Bleu Pays Basque irratiak jakinarazi duenez, 30 urteko gizon bat harrapatu du Baionatik Akizera zihoan abiadura handiko tren batek.
Sokorri zerbitzuak iritsi direnerako, bihotz-biriketako geldialdia zuen gizonak, eta ez dute suspertu ahal izan. Bertan zendu da.
Irratiaren arabera, 8:30 inguruan izan da istripua. Ez dute zehaztu nola gertatu den.
