Gizonezko bat atxilotu dute Gasteizen bere emaztea jotzeagatik

Atzo goizean 47 urtetako gizonezko bat atxilotu zuen Gasteizko udaltzaingoak bere emaztea jipoitu zuelako. Goizeko 11ak baino lehen dei bat jaso zuen udaltzaingoak, etxebizitza batean oihuak entzuten zirela esanaz. Udaltzainak etxebizitzara iritsi zirenean 45 urtetako emakume bat aurkitu zuten, indarkeria zantzuekin. Zauri larririk ez bazuen ere, Santiago erietxeko larrialdietara eraman zuten zauriak sendatzera. Gizonezkoa etxebizitzatik irten bazen ere eraikinean bertan atxilotu zuten.