Gasteizko Udaltzaingoak 30 urteko gizonezko bat atxilotu zuen ostegun gauean, emakume bati tratu txarrak ematea egotzita. Polizia iritsi zenerako, gizona etxetik alde eginda zegoen. Patruilak berehala bertaratu ziren; emakumea bere alaba adingabearekin zegoen une hartan. 22:30ak aldera berriro itzuli zela susmatu zuten agenteek. Orduan, etxera hurbildu, gizonezkoa identifikatu, eta atxilotu egin zuten.
Gertakariak 18:30 inguruan izan ziren. 092 zenbakira egindako dei batek ohartarazi zuen Alde Zaharreko etxebizitza bateko atarian gizonezko batek emakume bati eraso egin ziola. Polizia iturriek azaldu dutenez, erasoa eraikinaren sarreran gertatu zen, eta, patruilak iritsi aurretik, gizonezkoak alde egin zuen.
