Gorostiaga Laudioko alkate ohia gaur da espetxetik irtetekoa, zigorra beteta

LAUDIO. Pablo Gorostiaga Laudioko (Araba) alkate izandakoak gaurko dauka espetxetik irteteko data zehaztuta. 19/98 sumarioaren baitan, zortzi urteko espetxealdia ezarri zioten. Zigorra osorik beteta geratuko da aske. Gorostiagak 73 urte ditu, eta Herrerako kartzelan (Espainia) egon da preso, Euskal Herritik 600 kilometrora. Gorostiaga bezala, 70 urte baino gehiago dituzten beste bost euskal preso daude.