GURASOAK HASERRE, IRAKASLE ESKE

Kanboko (Lapurdi) Errobi ikastetxeko gurasoek eskola okupatu zuten atzo dokumentalista eta idazkari lanpostu bana eskatzeko. Akademia Ikuskaritzak dokumentalista lanpostua onetsi ondoren, gurasoek berek atzeman dute langilea, baina ekimena burutu nahi izan dute erakusteko protestaren bidez xedeak lor daitezkeela. Ez zen Lapurdiko protesta bakarra izan; Azkainen ere herriko eskola okupatu zuten, kendu nahi dieten euskara irakaslearen beharra aldarrikatzeko.