Hautetsi sozialistarik ez da egon Baionako atzoko agerraldian

Parisen Lebranchurekin bildu zen ordezkaritzan diputatu sozialista bat eta senatari sozialista bat izan ziren arren, atzo bilkura horren bilduma egiteko agerraldian ez zen hautetsi sozialistarik agertu. Aitzinetik «bere lanaren» bilduma egiteko agerraldia aurreikusia zuela erran zuen Sylviane Alaux diputatu sozialistak, tenore berean Ziburun deitu zuen prentsaurrekoan. Beraz, hautetsi sozialistarik ez zen izan gobernu sozialistarekin egindako bilkuraren bilduma egiteko. Alauxek, bere aldetik, adierazi zuen lortu dutela «Parisko atea irekitzea» eta lurralde elkargoaren alde lanean segituko duela.