Bigarren egunez jarraian, furgoneta batek eta uzta biltzeko makina batek elkar jo dute Nafarroako errepideetan. Atzoko istripua goizeko seiak inguruan gertatu zen N-113an, Cintruenigon, eta 47 urteko emakume bat zauritu zen; furgonetako gidaria, hain zuzen. Gaurko ezbeharrak, ordea, ondorio larriagoak izan ditu: NA-132 errepidean gertatu da, Tafalla parean, eta istripuaren ondorioz furgonetako gidaria hil da. Ezbeharra goizeko bederatzietan gertatu da.
Nafarroako Suhiltzaileak eta Foruzaingoa bertaratu dira Tafalla ingurura, istripuaren berri izan ostean, Efe albiste agentziak jakinarazi duenez. Gertatutakoa ikertzen ari dira. Atzo zauritutako emakumeari dagokionez, Tuterako Sofia Erregina ospitalera eraman zuten, kolpe ugari baitzituen.
