Hizkuntz eskubideen urraketei ez erantzutea egotzi dio Bilduk Lamaraini

Arabako Foru Aldundiak «akats» gisa jo zuen Aramaioko Udalak Hiri Antolamendurako Plan Orokorra euskara hutsean idaztea; jarrera horrekin herritarren hizkuntza eskubideak urratzea leporatu dio Bilduk Arabako Biltzar Nagusietan duen taldeak aldundiari, eta urraketa horien inguruko galderei ez erantzutea egotzi dio Euskara diputatu Iciar Lamaraini.«Agiri teknikoak eta administratiboak gaztelaniaz bidali behar direla esatera mugatu da», adierazi du Bilduko kide Itziar Lekuonak. Lamarainen eginbeharra euskararen normalizazioaren alde lan egitea dela esan du Lekuonak, eta gogorarazi du Aramaio Uema Udalerri Euskaldunen Mankomunitatekokide dela.