Hona hemen, aurrerapen gisa, Iñaki Errazkinen esan batzuk:
- "Hondakinen kudeaketaz aurkeztu dugun garapen estrategiaren inguruan adostasunak jostea izango da nire helburua".
- "Gure proposamena ona da, malguak diren azpiegiturak proposatzen dituelako, eta udalei eta mankomunitateei beren bideorria garatzeko aukera ematen dielako".
- "Udalek zilegitasun osoa dute hondakinen kudeaketaren inguruan erabakitzeko; guk ez diegu ezer inposatuko".
- "Iruditzen zaigu Pasaiako badiaren biziberritzea egungo portutik abiatuta egin behar dela. Kanpoko kaiak ez du zentzurik, eta ez da jasangarria".
Lehengo astelehenean hartu zuen kargua Errazkinek, Juan Carlos Alduntzinen partez. EAJk, PSEk eta PPk zentsura mozioa aurrera aterata utzi behar izan zuen postua Alduntzinek.
