Ikusmen desgaitasunen bat dutenek eta braillez irakurtzen dakitenek etxean jaso ahal izango dute Eusko Legebiltzarrerako hauteskundeetan botoa emateko dokumentazio egokitua, lehen aldiz. Martxoaren 25era arte izango dute tartea eskaera egiteko. Eusko Jaurlaritzaren herritarren arretarako telefonora deitu beharko dute horretarako, 012ra.
Ikusmen desgaitasunen bat dutenek eurek erabaki ahal izango dute boto paperak eta dokumentazioa etxera bidaltzea nahi duten, edo Eusko Jaurlaritzak dagokion bozketa mahaira. Orain arte bigarren aukera bakarrik zeukaten.
