BVE Batallon Vasco Español talde parapolizial bat izan zen, 1975etik 1983ra berrogei lagunetik gora hil eta dozenaka atentatu egin zituena, inpunitate osoz, euskal herritarren kontra. Aurten 50 urte bete dira hura sortu zutela, eta Iñaki Egaña ikerlariak liburu bat ondu du: Impunes (Txalaparta).
Bertan xehatzen du gerra zikinaren egitura hura nola sortu zuten, Espainiako Estatuak nola finantzatu zuen eta disidentzia zigortzeko zer metodo erabili zituzten.
Horretaz gain, egileak nahi du memoriarako, egiarako, erreparaziorako eta justiziarako tresna ere izatea liburua.
