CADE ingurumena babesteko elkarteen taldeak uste du Baionan Ikea saltegia egiteko proiektuak aire kutsaduraren maila gainditu egiten duela, autobideetatik 30en bat metrora legokeelako, eta, ondorioz, Frantziako Osasun arloko arduradunei gaia aztertzeko eskatu die.
2006an iragarri zuten Ikea-Ametzondo xedea, aspalditik Baiona, Hiriburu eta Mugerreko herriko etxeak horrelako xede baterako atxiki lurretan. Kokagunea paregabea dela diote bultzatzaileek, Baionako atarian baitago, A-63 eta A64 autobideen estekan. Araudi baten arabera, etxeak-eta gutxienez autobideetatik ehun metrora eraiki behar dira, baina aipatu udalek Ikearekin salbuespena egiteko eskatu dute, aire kutsadura ona delakoan.
CADEk gaur Baionan emandako prentsaurrekoan azaldu du herriko etxeek kutsaduraz diotena ez dela egia.
