Ion Kepa Parot berehala askatzea exijituko dute asteartean 19:00etan, Baionako auzitegiaren aitzinean, Herrira mugimenduak deiturik. Bizi osorako presondegi zigorrekin bukatu orain! Ion Kepa askatu lelopean egingo dute elkarretaratzea, Paroten baldintzapeko askatzea hirugarren aldiz errefusatu izana salatzeko.
Euroaginduen kontrako eta konponbide demokratikoaren aldeko kolektiboak ere bertaratzeko deia egin zuen atzo, agiri bidez. Kolektiboak gogorki deitoratu du legeria berezien bidez Frantziako Estatuak aplikatzen duen errepresioa: «Gatazkaren konponbideak itxaropena sortzen du jendartean, baina Estatuaren erantzun errepresibo bakarrak kezkatzen gaitu». Paroten kasuak eta prokuradoreak Filipe Bidarteren Euskal Herriratzea ukatu izanak «erakusten dute Frantziak ez duela bake prozesuan inplikatzeko asmorik».
Ion Kepa Paroten elkartasunez, elkarretaratzera deitu dute astearterako
Parot askatzea exijituko dute Baionan, Herrira mugimenduak eta konponbidearen aldeko kolektiboak deiturik
Iruzkinak
Ez dago iruzkinik
Ordenatu
