Iritzi kontrajarriak PPko buruzagien artean

PPko kideen artean ez dago iritzi komun bat Josu Uribetxebarriaren auziari buruz. Esteban Gonzalez Pons PPko Ikerketa eta Programa idazkariordearen esanetan, «legea legea da, eta gogorra izan arren, bete egin behar da». «Piztia hau [Uribetxebarria] espetxetik kanpo ikustea gogorra da, baina gogorragoa litzateke gobernuak legea ez betetzea». Oso bestelako iritzia dute Europako Parlamentuko PPko kideek. Jaime Mayor Orejak uste du Barne Ministerioaren«mugimenduak» indartu egiten dituela «ETAko kideen eta haren ingurukoen animoak». Alejo Vidal-Quadrasen iritzian, berriz, PPk barne eztabaida bat behar du, auzi honetan «oinarriak eta agintariak urruntzen ari direlako».