Irlandako preso ohiek ere ongietorria eman diote

Coiste Irlandako preso ohien elkarteko lehendakari Michael Culbertek ongietorri gutuna idatzi dio Jose Mari Sagardui Gatzari. «Ongi ezagutzen ditugu une honetan, espetxetik irtetean, izango dituzun sentipen kontraesankorrak», adierazi du Michael Culbertek. 31 urtez preso irautearen erronka aipatu du Coiste elkarteko lehendakariak.«Gure konpromisoaren indarra izan ez bagenu, gainditu egingo gintuen». Horregatik, iraute horren atzean, burujabetzaren alde borrokatzen dutenen askatasun grina dagoela uste du Michael Culbertek. Bide batez, gogora ekarri du egun preso ohi ugari hautetsiak direla, eta horrek frogatzen duela egun batean hasitako borrokaren zuzentasuna.