Burlatako (Nafarroa) eta Algortako (Bizkaia) hainbat herritarrek Izadi gurasoekin etxera plataforma sortu dute, Izadik bere gurasoekin batera aske bizi behar duela aldarrikatzeko. Algortako Iñigo Gutierrez eta Burlatako Maria Lizarraga euskal presoen alaba da Izadi; urtarrilean jaio zen, eta Picassenteko (Valentzia, Herrialde Katalanak) kartzelan bizi da ordutik, amarekin.
Azaldu dutenez, Izadik astean behin edo bitan ikus dezake aita, tarte «labur» batez. «Onartezina da hiru urte beteko dituen egunean gurasoengandik banatzera behartzea, eta haurtzaroan bidaiak egitera kondenatzea», esan dute. Gainera, kritikatu dute espetxea ez dela «ume batentzako bizilekua» eta ez dituela asetzen «bere beharrak». Hainbat elkartasun ekitaldi egingo dituzte bizi duten egoera salatzeko.
'Izadi gurasoekin etxera' taldea aurkeztu dute
Iruzkinak
Ez dago iruzkinik
Ordenatu
