Izurri egoera ezarri dute Portugalen, gaitzak izan duen garapen larriagatik

LISBOA. Gaur gauerdiaz geroztik indarrean dago izurri egoera Portugalen, pandemiak azken egunetan izan duen garapenak eraginda. Harreman sozialak mugatu ditu gobernuak, eta baimendutako bilkurak hamar pertsonatik bostera jaitsi dituzte. Antonio Costa lehen ministroak baztertu egin du Espainiako muga ixtea, eta ez ditu zehaztu ostalaritzari ezarri beharreko neurriak.