EAko kide eta Jaurlaritzako sailburu ohi Tontxu Camposek eta Esther Larrañagak eta gobernuko hemezortzi kargudun ohik datorren igandean Eusko Legebiltzarrerako hauteskundeetan EH Bilduri botoa ematera deitu dute, Bilbon egindako prentsaurreko batean.
Campos Hezkuntza, Unibertsitate eta Ikerketa sailburu izan zen, 2005etik 2009ra, lehendakari Juan Jose Ibarretxe (EAJ) zela. Larrañaga legegintzaldi berean izan zen sailburu: Ingurumen eta Lurralde Antolamendukoa.
Biek esan dute Ibarretxeren garaian bezala berriro saiatu behar dela EAEko estatutu politiko berri bat egin eta Espainiako Kongresura joaten, han onar dezaten, "baina tamalez aurreikus daitekeen ezezkoaren aurrean zer erantzun emango den adostuta". Ibarretxe 2005eko otsailean joan zen Kongresura estatutu berria azaltzera, baina Kongresuak atzera bota zuen orduantxe bertan. "Proiektu politiko hura egun EH Bilduk ordezkatzen du". 2001ean eta 2005ean EAJ-EA koalizioak aurkeztutako egitasmoaren alde bozkatu zutenei eskatu diete EH Bilduri emateko orain botoa.
Camposek eta Larrañagak adierazi dutenez, EAJ-EAk orduan erabakitzeko eskubidea, bakea, normalizazio politioa, elkarbizitza edota gizarte eraikuntza defenditu zituzten. "Behin betiko bakea, burujabetza eta justizia soziala dira Euskal Herria Bilduk gizarteari aurkeztu dizkion programaren ardatzak". Ibarretxeren asmoak "EAJ berak geldiarazi" zituela esan dute.
"Madrilek ezezkoa esango digu beti, hori badakigu. Baina Katalunian horrek ez du subiranotasun prozesua gelditu, suberanistek Espainiako Estatuko legalitatea eta gizartearen agindu demokratikoaren artean hautatu behar izan dutenean, bigarrenaren alde egin dutelako".
Atxikimenduak
Esther Larrañaga, Lurralde Antolamendu eta Ingurumen sailburua
Tontxu Campos, Hezkuntza, Unibertsitate eta Ikerketa sailburua
Abel Muniategi, Justizia sailburuordea
Manolo Vigo, Gizarteratze eta Familia sailburuordea
Pedro Otxoa, Hezkuntza sailburuordea
Iñaki Ezkurra, Ingurumen eta Ur sailburuordea
Natxo Murgia, Osalaneko zuzendari nagusia
Txetxu Aurrekoetxea, IHOBEko zuzendaria
Alberto Jimenez de Aberasturi, Ingurumenaren Plangintza, Ebaluazioa eta
Kontrolerako Zuzendaria
Kontxi Gabantxo, Drogomenpekotasunen idazkaria
Ricardo Burutaran, Araubide Juridiko zuzendaria Hezkuntza, Unibertsitate etaIkerketa Sailean
Elisa Sainz de Murieta, Biodibertsitatearen Zuzendaritza
Unai Ziarreta, Azterlan eta Lege Araubide zuzendaria
Lohitzune Txarola, Biodibertsitaterako eta Ingurumen Partaidetzarako zuzendari izendatzea
Maider Zubiri, Giza Balibideen zuzendaria
Onintza Lasa, Hezkuntza, Unibertsitate eta Ikerketa saileko aholkularia
Hugo Uruñuela, Ingurumen Saileko aholkularia
Edurne Gumuzio, Hezkuntza Berrikuntzako zuzendaria
Juanjo Agirrezabala, Hezkuntza Berrikuntzako zuzendaria
Iban Asenjo, Hezkuntza saileko aholkularia
