Jon Salaberria aske geratu da

Jon Salaberria aske geratu zen atzo goizean, Frantziako Estatuak jarritako hamabi urteko zigorra bete ondoren. Mont-de-Marsango espetxetik (Landak, Okzitania) irten da; martxoaren hasieran gerturatu zuten hara. 2008ko maiatzean atxilotu zuten Bordelen, ETAko kidetzat jota, Xabier Lopez Peña, Ainhoa Ozaeta eta Igor Suberbiolarekin batera. Jarrai gazte erakundeko eledun izan zen, eta eusko legebiltzarkide ere bai, EHrekin.