1980ko uztailaren 8an atxilotu zuen Espainiako Poliziak Joxe Mari Sagardui Gatza (Zornotza, Bizkaia; 1958) eta, inkomunikatua izan ondoren, espetxera bidali zuten. Harrezkero preso dute. 29 urtean dagoeneko. Europan kartzelan denbora gehien daraman presoa da. Urte hauetan guztietan sakabanaketa eta isolamendua ezagutu ditu. Jaengo espetxean (Espainia) dago orain.
Egoera hori salatzeko asmoz, larunbat honetan ekimenak egingo dituzte Zornotzan. Amnistiaren Aldeko Mugimenduak (AAM) dioen bezala, "biziarteko zigorraren aurka". 12:30ean Zornotzako leku ezberdinetan 29 elkarretaratze egingo dituzte, 18:00etan manifestazioa aterako da, Zelaieta parketik, eta ondoren ekitaldia egingo dute.
“Sagarduik duintasunez eta indarrez aurre egin die euskal preso politikoak suntsitzeko espreski eraikitako ‘espainiar Guantanamoari’”, dio AAMk. “Damutu ez izanagatik, jarrera politiko bati eusteagatik daukate preso hainbeste urtean”.
euskal presoak
Joxe Mari Sagardui, 29 urtean preso
Europan espetxean denbora gehien daraman presoa da. Larunbatean ekimenak egingo dituzte Zornotzan.
Iruzkinak
Ez dago iruzkinik
Ordenatu
