Etxerat elkarteak eman du gertatutakoaren berri. Julen Mujika euskal presoaren bikotekideak eta haurrak istripu bat izan zuten joan den ostiralean Seyssesera bisitan zihoazela. Bertara heltzeko bost minutu falta zirela, autopistan aintzinean zuten kamioi bati gurpila lehertu egin zitzaion. Zati bat gurpila azpian harrapatu zuten eta autopista bazterrean gelditu behar izan zuten. Gurpila zulatzeaz gain, erradiadorea ere zulatua izan zen.
Presoen sakabanaketaren eraginez izandako zortzigarren istripua da, Etxerat-ek oroitarazi duenez. "Amorruarekin salatzen dugu gertakari hau, gure senideei aplikatzen zaien politika bereziak - tartean sakabanaketarekin - haien eta gure bizitzak arrisku larrian ezartzen dituela aspalditik esaten eta frogatzen dugulako". Neurri "kriminal" horien amaiera eskatu du elkarteak, eta galdetu du: "Zenbat istripu oraindik gure oinarrizko eskubideen errespetatu arte?".
