KANDIDO ZUBIKARAIREN ONGIETORRIA

Ondarroan da dagoeneko Kandido Zubikarai euskal preso ohia, eta ongietorria egin zioten herritarrek, atzo, herrira iritsi bezain laster, goizaldeko sei eta erdiak aldera. Herenegun iluntzean irten zen Zubikarai Villenako kartzelatik (Alacant, Herrialde Katalanak), 22 urteko espetxealdiaren ondoren. 2006ko urriaren 26tik libre behar zuen, baina Espainiako auzitegiek bost urtez luzatu zioten kartzela zigorra, 197/2006 sententzia aplikatuta.