Kepa Junkera izango da aurten Bilboko Aste Nagusietako pregoilaria. Txupinera, berriz, Larraitz Cisneros hautatu dute. Pozarren agertu dira biak Jai Batzordearekin batera egindako aurkezpen ekitaldian. Izendapenarekin "oso hunkituta" dagoela aitortu du Junkerak. Cisnerosek, berriz, pozik dagoela adierazteaz gain, Bilboko jaiak "herrikoiak" direla nabarmendu du.
Larunbatean, arratsaldeko zazpietan egingo du pregoia Junkerak Arriaga antzokitik, eta, ondoren, festen hasierako txupina botako du Cisnerosek. Horrekin batera, jaia lehertuko da Bizkaiko hiriburuan. Gainera, azken urteetan utzita egon den ohitura bat berreskuratuko dute konpartsek: Begoñatik jai giroan jaitsiko dira Arriaga plazara, txarangek eta musikariek lagunduta. 16:00etan abiatuko dira Begoñatik 19:00etan Arriagan izateko. Hara iritsitakoan, mila botila Bilboko ur banatuko dituzte bildutako guztien artean.
Bilboko Aste Nagusia
Kepa Junkera izango da pregolaria eta Larraitz Cisneros txupinera
Izendapen horrekin "oso hunkituta" dagoela agertu du musikariak. Cisneros ere gustura azaldu da. Larunbatean 19:00etan egingo du pregoia Junkerak, eta horrekin batera hasiko da Bilboko Aste Nagusia.
Iruzkinak
Ez dago iruzkinik
Ordenatu
