GASTEIZ. Jarduera Fisikoaren eta Kirolaren Legea onartu zuen atzo Eusko Legebiltzarrak, EAJk, PSE-EEk eta EH Bilduk babestuta. «Gizarte aktiboagoa eta osasungarriagoa» lortzea du helburu arau berriak, Bingen Zupiria Eusko Jaurlaritzako Kirol sailburuak adierazi zuenez. Hala, legegintzaldi bakoitzean bizitza aktiboa sustatzeko plan bat aurkeztu beharko du gobernuak. Xedeen artean daude, halaber, emakumeen kirola sustatzea eta jarduera «inklusiboagoak» erdiestea.
Beste hainbat berritasun ere ekarriko ditu legeak. Haurren kirol jardueretan, adibidez, 0-6 urteko epea txertatu du. Gainera, EAEko kirol federazioek Nafarroakoekin edo Iparraldekoekin batera antolatu ahalko dituzte lehiaketak.
Kirol Lege berria onartu du Eusko Legebiltzarrak
Iruzkinak
Ez dago iruzkinik
Ordenatu
Irakurrienak
