Asko zabaldu zen sarean Kofi Annanek joan den ostiralean idatzi zuen txioa. ETAk desagertu dela jakinarazi eta hurrengo egunean idatzi zuen. Izan ere, Aieteko Bake konferentzian izan zen Annan, eta berak ere sinatu zuen Aieteko Adierazpena. Aieten abiatutako zikloari amaiera jarri zion Kanboko ekitaldiak, baina Annan ez zen izan Arnagan. Nolanahi ere, mezua igorri zuen eta txio bat idatzi.
Txioan jarri zuen, bakea eraikitzeko elkarrizketa erabili behar dela. Eta, egiteko asko gelditzen den arren, ETAren desegitearen eguna, "Europan ospatu beharreko eguna" dela gaineratu zuen.
Txioa, baina, ezabatu egin zuen ordu batzuk pasatu ostean. Berria idatzi zuen orduan. Ez zuen berriz jarri euskal preso eta iheslariak etxeratzeko eskatzen duen maindirea eta estelada zeramatzan argazkia, eta haren ordez, Genevako ekitaldiaren argazkia jarri zuen. Testua ere aldatu egin zuen. "Europa" hitzik ez da ageri txio berrian, eta "Espainiako historian atal zail bat" amaitu dela dio.
The dissolution of #Eta marks a welcome end to a difficult chapter in Spanish history. Conflict is rarely solved through force of arms alone, and this news illustrates that political dialogue is the key to building lasting #peace. https://t.co/Hamdf8TpOwpic.twitter.com/6qVwcvVxff
— Kofi Annan (@KofiAnnan) 2018(e)ko maiatzaren 4(a)
