Konfinaturik ere, klimaren aldeko ekintza global baterako deia 24rako

BILBO. Klimaren aldeko ekintza «global» bat egitera deitu dute dozenaka eragilek apirilaren 24rako, Ekologistak Martxan-ek deituta. Egun horretan, 22:00etan, «soinu eta itzalak balkoietatik proiektatuz» eginen dute manifestazioa. Ekintzaren oihartzuna sare sozialetan zabalduko dute ondoren, argazki eta bideoen bitartez. «Nahiz eta gaur egun osasun krisia bere gordinean nabarmentzen ari den, krisia bere osotasunean tratatu behar» dela azpimarratu du Ekologista Martxan-ek manifestu batean.