Korrika sortu zutenak omendu ditu Bilboko Udalak, abenduaren 3a dela eta

BILBO. Euskararen Nazioarteko Eguna da bihar, eta, horren harira, ekitaldi bat egin zuten atzo Bilboko Udalean. Korrika sortu zutenak gogoan hartu zituzten; aurten, izan ere, hogeigarren aldia bete du AEK-k antolatzen duen lasterketak. Zurezko lekuko bana eman zieten oroigarri gisa. Honako hauek omendu zituzten: Bitor Allende, Alvaro Gurrea, Urtsa Errazti, Bittor Artola, Josepe Zuazo, Joseba Kanpo, Julen Kaltzada eta Enrique Ibabe.