Cabisa enpresak eskatu eta Bilboko Udalak baimena emanda, atzo urtebete hasi ziren Errekalde auzoko Kukutza gaztetxea botatzen. Gaztetxea zena orubea da orain, hormaz itxia. Gaztetxeko kideen eta auzotarren bihotzetan bizirik jarraitzen duela aldarri egin zuten atzo, hala ere. Urteurrena gogoratuz, elkarretaratzea egin zuten atzo arratsaldeanudaletxearen aurrean. Auzitegietara joan ziren ondoren, eta Errekalden bukatu zuten. Urte bat eta gero Kukutza bihotzean idatzia zuen pankartarekin egin zuten itzulia.
Epaiketa egiteko zain daude 75 pertsona, eta haietatik lau adingabeak dira. 11ren aurkako epaiketa datorren astean hasiko da, ostegunean; Kukutza husteko egun haietan kalean istiluak eragitea leporatu diete, eta isunak eskatu ditu fiskalak haientzat. Gainerako auzipetuen aurkako epaiketak uda bitartean egingo dituztela espero dute. Auzipetu guztiei babesa adierazteko ere baliatu zuten elkarretaratzea atzo.
Kukutza gaztetxea bihotzetan bizirik dagoela aldarri egin dute
Errekaldeko gaztetxea bota eta urtebetera, elkarretaratzeak egin dituzte udaletxearen eta auzitegien aurrean
Iruzkinak
Ez dago iruzkinik
Ordenatu
