Badok.info musika ataria berritzeko bidean da. Helburu hori gauzatu ahal izateko, Kutxa Fundazioak laguntza emango dio BERRIA Taldeari. Iban Arregi BERRIA Taldeko kontseilari ordezkariak laguntza eskertu du: "Eskertzen dugu Kutxa Fundazioak emandako laguntza. BERRIA ahalegin berezia egiten ari da Euskal Herriko eragile nagusienak BERRIA komunitatean eta bere egitekoan inplika daitezen. Erronka handia dugu".
Carlos Ruiz Kutxa Fundazioko ordezkariak honako hau esan du hitzarmena sinatu ostean: "BERRIAk sustatzen dituen proiektuak lagundu nahi ditugu. Badok euskal musikaren atari interesgarria da, euskararekin lotua dago eta ondare garrantzitsua da guretzat".
