Lanbideren egoitza bati eta zabor ontzi bati su eman diote

GERNIKA-LUMO. Lanbidek Gernika-Lumon (Bizkaia) duen egoitzaren atariari su eman zioten herenegun gauean. Horixe ezagutarazi du Eusko Jaurlaritzak. Ustez, zortzi pertsona inguruko talde batek piztu du sua. Herrizaingo Sailak erran dute beltzez jantzita zirela denak, eta aurpegia estalita. Lanbideren ateari eta han jarri zuten zabor ontzi bati eman zioten su.