Lanuztea egin nahi duten metroko langileei presio egitea egotzi diote enpresari
Mobilizazioen laugarren astea dute honakoa Bilboko Metroko beharginek. Atzoko goiz partean bakarrik egin zuten lanuztea, etaerantzuna «orain arteko arrakastatsuena» izan zela dio langile batzordeak: %85eko parte hartzea izan zuela diote. Salaketa ere egin dute, enpresaren portaera kritikatuz: «Koordinaziorako eta operazioetako nagusiek agintekeriaz jokatu dute, gutxieneko zerbitzuak egokitu zaizkien langileei jasotakoa baino zerbitzu gehiago eginarazi guran», azaldu du LAB sindikatuko Raul Mendezek. Horren ondorioz tentsio uneak izan direla diote. Eusko Jaurlaritzak lanuztea bukatzen den unean bertan zerbitzua %100ean eskaintzeko emandako agindua ere gaitzetsi dute. Izan ere, 08:45ean dena martxan egoteko beharginek lehenago hasi behar dute lanean. Une honetan ez dago negoziaziorik langile batzordearen eta enpresaren artean. Horiek hala, sindikatuek uztailerako mobilizazioak dituzte buruan. Bien bitartean, bihar aste honetako bigarren lanuztea egingo dute, 06:45etik 08:45era.
Iruzkinak
Ez dago iruzkinik
Ordenatu