Eusko Jaurlaritzako Segurtasun Sailak jakinarazi duenez, ostiral goizaldean lapurreta egin zuten Arabako hamabost bat industria pabiloitan. Aguraingo Litutxipi industrialdean, Legutioko Goiain industrialdean, Gamarran eta Gasteizko Adurtzan egin dituzte lapurretak. Eguzki plakak, bizikletak, altzariak, dirua eta dozenaka kilo txatar lapurtu zituzten hamabi ordu eskasetan. Auto bat ere ostu zuten, eta kalte materialak eragin enpresatan. Ertzaintzak ikerketa bat abiatu du.
Eguerdian, Ertzaintzaren patruila batek txatarrez betetako furgoneta bat geldiarazi zuen, Gasteizko URSSAren instalazio zaharretatik irteten ari zela. Ibilgailuan zihoazenak identifikatu zituzten, ea ikertu gisa deklaratu beharko dute lapurreta horiek argitzeko abiatutako prozesuarekin lotuta.
