LASA ETA ZABALA GOGOAN

28 urte bete dira Joxi Lasa eta Joxean Zabala desagerrarazi, torturatu eta hil zituztela. Haien omenez Tolosako Olarrain auzoan jarritako monolitoan ekitaldi bat egin zuten atzo eguerdian. Ostiral iluntzean, berriz, elkarretaratze bat egin zuten Triangulo plazan. Egoera politiko berrian gatazkaren biktima guztiak aitortzea beharrrezkoa dela nabarmendu zuten deitzaileek. «Sufrimenduak kolorerik ez duen arren, batzuek ez dute konponbiderik nahi. Alde bateko biktimak soilik gogoratu nahi dituzte», salatu zuten.