Pannagh elkartea ixteak «arazo larriak» eragin dizkieerabiltzaile terapeutikoei. «Marihuanarekiko tratamendua eten behar izan dut, lau egun daramatzat erabat leher eginda», azaldu zuen atzo Txelu Manrique bazkideak; merkatu beltzera jo beharko duela erantsi zuen: «Nola edo hala konpondu beharko dut».
323 bazkide dauzka Pannaghek; gutxi gorabehera, erdiak kontsumitzaile ludikoak dira, eta beste erdiak, terapeutikoak. Azken horiek marihuana erabiltzen dute gaixotasunaren sintomak edo ondorioak arintzeko, bai erreta, bai landaretik eratorritako olioak eta bestelakoak baliatuta. Pedro Luis Gomez bazkideak, adibidez, fibromialgia dauka: «Botikek zortzi orduz jota uzten naute, ezin dut lanik egin... Marihuanaren kontsumo arrazionalizatuari esker, seme-alabak zaintzeko gai naiz».
Erabiltzaile horiek «babesik gabe» geratu direla salatu dute, eta aringarri bila «merkatu beltzera jo» beharko dutela ohartarazi du Martin Barriusok: «Elkartea ahultzen ari den merkatu beltza indartu du polizia operazioak».
«Lau egun daramatzat erabat leher eginda»
Iruzkinak
Ez dago iruzkinik
Ordenatu
