Nafarroako Foruzaingoak lau pertsona atxilotu ditu azkeneko astean, beren bikotekideei eraso egin izana leporatuta. Nafarroako Gobernuak jakinarazi duenez, hiru kasutan emakumeek salatu dute lehenagotik jasaten zituztela tratu txarrak.
Larunbatean 44 urteko gizon bat atxilotu zuten Iruñerrian, bikotekideak haren kontrako salaketa jarri ondoren. Foruzainak etxebizitzara joan ziren, baina ustezko erasotzaileak ez zien kasurik egin poliziei, eta, gobernuaren arabera, atxilotu egin zuten genero indarkeriagatik eta aginteari desobendientzia agertzeagatik. Igandean, berriz, 63 urteko gizonezko bat atzeman zuten udaltzainek Castejonen. Emazteak salatu zuen aspalditik pairatzen zituela tratu txar fisiko eta psikologikoak.
Asteartean, 39 urteko gizonezko bat atxilotu zuen Foruzaingoak Olatzagutian, eta 36ko beste bat Tuteran. Bikotekideei eraso egin izana leporatuta atzeman zituzten.
Atzo iluntzean elkarretaratzea egin zuten Irunen (Gipuzkoa), asteburuan herri horretan gertatutako sexu erasoa salatzeko. Igande goizaldean, 04:30ak aldera, Ertzaintzak 17 urteko mutil bat atxilotu zuen, emakume bati sexu erasoa egin izana egotzita.
Lau gizon atxilotu dituzte Nafarroan genero indarkeriagatik
Joan den igandean Irunen gertatu zen sexu erasoa salatzeko elkarretaratzea egin dute
Iruzkinak
Ez dago iruzkinik
Ordenatu
