Iñigo Urkullu Eusko Jaurlaritzako lehendakariak kontseilariei eskatu die egindako lanen eta egiteko daudenen lanen ebaluazio egin dezatela, «legatua» ordenatzeko. Bingen Zupiria eledunak eman du horren berri, Jaurlaritzako kontseilariek egindako gobernu bileraren osteko agerraldian. Igandeko emaitzekin «aseta» daudela ere gaineratu du, bai EAJk eta PSE-EEk lortu dituzten emaitzengatik, bai kanpainan «normaltasuna» nagusi izan delako.
Gobernuak azken legegintzaldian egindako lanaren balorazioa egiteko ere baliatu dute gaurko bilera, eta, pandemiak eta nazioarteko ezegonkortasunak ardaztutako legealdia izan dela kontuan hartuta, «eginbeharrekoak eginda, aseta» amaituko dutela esan du. Gainera, igandeko emaitzen arabera, «gizarteak gobernuaren jardunbidea modu baikorrean baloratu duela» ondorioztatu du.
