Orain arte, PSNk Sarasate pasealekuan duen egoitzaren aurrean biltzen ziren, baina herenegun PPk Karlos III.aren kalean duen egoitzara joan ziren Nafarroan atxilotutakoen gurasoak, asteleheneroko protesta egiteko.
Lekuz aldatzeko arrazoi bakarra, Espainiako gobernu aldaketa. Orain PPren egoitzaren aurrean eskatuko dute euren seme-alabak «bakean uzteko».
Astelehenero, Utzi gure seme-alabak bakean. Stop atxiloketak, torturak, epaiketak leloaren pean biltzen dira beren jarduera politikoagatik jazarpena pairatu duten gazte batzuen gurasoak iragan otsailetik. Aztnugal [laguntza alderantziz] Tortura gehiagorik ez pankarta hartuta, ez dute hutsik egiten asteroko ekitaldian, aste honetatik aurrera Karlos III.aren kalean.
Lehen elkarretaratzea PPren egoitza aurrean
Nafarroako atxilotuen gurasoen asteleheneroko protesta lekuz aldatu dute gobernu aldaketarekin
Iruzkinak
Ez dago iruzkinik
Ordenatu
