Gasteizko Udalarekin elkarlanean abiatuko du Bai Euskarari elkarteak kontsumoa euskaraz sustatzeko kanpaina. "Euskararen aldagaiari garrantzia ematen dioten kontsumitzaile irizpidedun aktiboak giltzarri izango dira kanpaina honetan, erronka baita euskaraz dakiten edo-eta ikasten ari diren pertsonak euskaraz kontsumitzera animatzea, lehen hitza euskaraz eginez", azaldu du elkarteak.
Kontsumitzaileak Bai Euskarari ziurtagiria duten saltokietara erakartzean gain, gainerako markatariak "euskarak eskaintzen duen balioaz ohartaraztea" izango da helburua.
Une honetan, ehun saltoki inguruk osatzen dute Gasteizko euskararen mapa, eta saltokiak hiru mailatan daude sailkatuta: “zerbitzua eta lana euskaraz”, “zerbitzua euskaraz” eta “euskararen bidean”. Bai Euskarari elkarteak gonbitea egin die hiriko gainontzeko merkatariei haien saltokiak mapara gehitu ditzaten.
Kanpaina hedatzeko, "Lehen hitzak balio handia du" izeneko bideoa argitaratu du elkarteak.
[youtube]https://youtu.be/9jdw8JNHhnM[/youtube]
