Aurtengo Gazte Topagunean "inoizko bereziena eta ahaztezinena" izango dela aurreratu dute Ernai eta Aitzina gazte antolakundeek. "Lemoa (Bizkaia) bilakatuko dugu 40.urteurreneko gazteon topagune". Askatasun Bulkadak independentziara leloa jarri diote, 'Bulkada berrien garaia da' dinamikarekin lotuta: "Gazteon garaia delako, bulkada berriena". Gazteek "zerumuga argi" dutela ziurtatu dute, eta "bizi-bizirik" daudela, esparru ugaritan: "Mugimendu feministatik hasi eta euskalgintzara; prekaritatearen aurkako borroketatik hezkuntza propioaren aldeko dinamiketara; sexu askatasunaren aldeko borroketatik, preso, iheslari eta deportatu politikoen kaleratzera".
ASKATASUN BULKADAK INDEPENDENTZIARA!
— Ernai (@ernaigazte) 2018(e)ko azaroaren 22(a)
Gazte Topagunea 2019 · apirilak 19, 20, 21 eta 22 · Lemoa
40 urtetako uzta bilduz, Lemoako herria aldarri, borroka, kolore, bizipoz eta doinuz beteko dugu milaka gaztek. Badator #Gzt19!https://t.co/9YdtQxSuSN@ernaigazte | @Aitzinagaztepic.twitter.com/hOmsOTrUe7
"Eskaintza askotarikoa eta zabala" prestatzen ari direla gaineratu dute: hitzaldiak, mahai inguruak, tailerrak, kirolerako eta aisialdirako tarteak eta Euskal Herriko nahiz nazioarteko musika taldez osatutako "festibal erraldoia". Nazioarteko gazte erakundeetako hainbat kide ere etorriko direla iragarri dute. Gainera, lehen aldiz, "auzolan egun bateratuak" ere egingo dituzte.
Salgai jarri dituzte jada Gazte Topagunera joateko bonuak. gaztetopagunea.eus webgunean jarri dute informazioa.
