Leonard Cohenek atzo gauean susto handia eman zien bere jarraitzaileei Valentzian (Herrialde Katalanak), kontzertua ematen ari zela zorabiatu egin baitzen. Ondoezaren ondorioz -antolatzaileek zioten elikadurak eragin ziola-, ordu erdiz zain egon ostean, bertan behera utzi zuten emanaldia eta Cohen erietxera eraman zuten, hamaikak aldera. Gaur goizeko lauretan eman diote senda agiria.
Cohen (75 urte, Kanada) kontzertuko laugarren kanta abesten ari zela Bird on a wire, zorabiatu eta ziplo erori zen oholtzan. Jarraitzaileek gero esan zuten lehen hiru abestietan artista ez zutela fisikoki ondo ikusi, makurtu egin zelako batzuetan, ezinean bezala. Sei mila ikusle izan ziren.
Herenegun Barakaldon (Bizkaia) eman zuen kontzertua, BECen. Hiru orduz aritu zen.
musika
Leonard Cohenen zorabioa
Abeslariak ondoeza izan du bart Valentzian, kontzertua ematen ari zela. Erietxera eraman dute eta gaur goizean eman diote senda agiria. Herenegun Barakaldon izan zen. 75 urte ditu.
Iruzkinak
Ez dago iruzkinik
Ordenatu
