ETAren armagabetzerako egun garrantzitsua izan zen 2016ko abenduaren 16koa, gizarte zibileko kide batzuk prest azaldu zirelako Luhuson (Lapurdi), Errekartea baserrian, armategiaren zati bat indargabetzeko. Polizia operazioa izan zen, ordea. Inputatuek ia bi urteko debeku judiziala izan dute elkarrekin egoteko. BERRIAk lehen aldiz elkartu ditu Mixel Berhokoirigoin, Txetx Etxeberri, Beatrice Molle eta Stephane Etxegarai inputatuak, Errekartean bertan.
BERRIAk bihar argitaratuko du Luhusoko ekintzaileei eginiko elkarrizketa. Goiko bideoa solasaldiaren aurrerapen bat da.
Horrez gain, Txetx Etxeberrik eta Mixel Berhokoirigoinek Donostian eskaini duten mahaingurua ere eskuragarri izango da, bihar, BERRIAn.
