Etenak Abiadura Handiko Trenaren zein zatiri eragingo liokeen zehaztu gabe, El Mundo egunkariak eman du lanak gauzatzen ari diren enpresen asmoaren berri. Informazio horren arabera, eraikitzaileak kexu dira Espainiako Sustapen Ministerioak zazpi proiektutan aldaketak egin dituelako eta horrek gainkostuak eragin dizkielako; tartean legoke Euskal Y-a.
Eraikitzaileekin arazoak dituela aitortu dio ministerioak kazeta horri, eta AHT zati batzuen lanak etenda daude, horretarako dirurik ez dagoelakoan. Zenbait kasutan kontratuak apurtzeko prest leudeke enpresak.
